මානව DNA රහස් කියවන කෘත්‍රිම බුද්ධිය: ජාන ප්‍රභේද මිලියන 900 ක් විශ්ලේෂණයට නව උත්සාහයක්
මානව ශරීරය ක්‍රියාත්මක විය යුතු ආකාරය පිළිබඳ මූලික උපදෙස් සියල්ලම ලියා තිබෙන්නේ DNA ලෙස හැඳින්වෙන ජානමය ද්‍රව්‍යයේය. එය විශාල උපදෙස් අත්පොතක් ලෙස සිතිය හැක.
එම අත්පොත ලියා ඇත්තේ රසායනික අකුරු හතරකින් පමණි: A, T, C සහ G. මානව DNA හි එවැනි ස්ථාන බිලියන 3 ක් පමණ ඇති අතර, එක් අකුරක වෙනසක් පවා ජාන ප්‍රභේදයක් (genetic variant) ඇති කරයි.
එක් අකුරු වෙනස්කම් වර්ග මිලියන 900 ක් පමණ සිදුවිය හැකි බව විද්‍යාඥයන් ඇස්තමේන්තු කරති. මේවයින් රෝග ඇති කරන්නේ කුමන ඒවාද සහ හානිරහිත වන්නේ කුමන ඒවාද යන්න සොයාගැනීම වෛද්‍ය විද්‍යාවේ විශාලතම අභියෝගවලින් එකකි.
එම අභියෝගයට මුහුණ දීමට, DNA හි වෙනස්කම් ඇති කරන බලපෑම් මොනවාද යන්න කල්තියා අනාවැකි කීරීමට උපකාරී වන නව කෘත්‍රිම බුද්ධි (AI) ආකෘතියක් පර්යේෂකයන් ගොඩනඟා ඇත. ජානමය පර්යේෂණවල වේගය බහුගුණයකින් වැඩි කරනු ඇතැයි එයින් අපේක්ෂා කෙරේ.
මෙම කටයුත්ත පුස්තකාලයක පොත් මිලියන ගණනක් අතර ඇති එක් මුද්‍රණ දෝෂයක් සොයාගැනීම හා සමාන ය. වරද කොතැනද යන්නත් එයින් ඇති වන බලපෑම කුමක්ද යන්නත් AI ඉක්මනින් පෙන්වා දෙයි.
ඒ සමඟම, පුද්ගලයෙකුට රෝගයක් ඇති වේවිද යන්න තීරණය කළ නොහැක්කේ AI පමණින් නොවන බව පර්යේෂකයන් පැහැදිලි කරති. එය වෛද්‍යවරුන්ටත් විද්‍යාඥයන්ටත් උපකාර වන පර්යේෂණ මෙවලමක් පමණි; අවසාන වෛද්‍ය තීරණ රැඳී සිටින්නේ මානව විශේෂඥයන් සතුවය.