ශ්‍රී ලාංකික ගුවන්තොටුපොළ කළමනාකරුවන් 10කට ඉන්දියාවේ විශේෂ පුහුණුවක්
ශ්‍රී ලාංකික ගුවන්තොටුපොළ කළමනාකරුවන් දස දෙනකු 2026 නොවැම්බර් 16 සිට 27 දක්වා ඉන්දියාවේ (India) විශේෂ පුහුණුවක් ලැබීමට නියමිතය.
ගුවන් සේවා ක්ෂේත්‍රයේ ජාත්‍යන්තර හොඳම භාවිතයන් ඉගෙන ගැනීමටත් වෘත්තීය අත්දැකීම් හුවමාරු කර ගැනීමටත් මෙය අවස්ථාවක් වන බව කොළඹ ඉන්දීය මහ කොමසාරිස් කාර්යාලය (Indian High Commission in Colombo) සඳහන් කරයි.
පුහුණුවට පෙර, සහභාගිවන්නන් සමග සාකච්ඡාවක් පැවැත්වීමට ඉන්දීය මහ කොමසාරිස් කාර්යාලය කටයුතු කළේය.
වාර්ෂිකව ශ්‍රී ලාංකිකයන් 1,000කට වැඩි පිරිසකට පුහුණුව ලබා දෙන ඉන්දියාවේ පුළුල් කළ ධාරිතා සංවර්ධන වැඩපිළිවෙළේ කොටසක් ලෙස මෙම වැඩසටහන පැවැත්වේ.