පෘථිවියට පැමිණි Starship රොකට්ටුව අල්ලාගැනීමට SpaceX සමත් වෙයි

ස්පේස්එක්ස් (SpaceX) සමාගම සිය දැවැන්ත ස්ටාර්ෂිප් (Starship) රොකට්ටුව පෘථිවියට ආපසු පැමිණෙද්දී දියත් කිරීමේ ස්ථානයේ යාන්ත්‍රික බාහු යොදා පළමු වරට සාර්ථකව අල්ලාගෙන තිබේ.

දියත් කිරීමේ කුලුනට සවිකළ යාන්ත්‍රික බාහු යොදා රොකට්ටුවේ පහළ හා ඉහළ අදියර දෙකම අල්ලාගැනීමට සමාගම සැලසුම් කර තිබිණි. මෙම බාහු "චොප්ස්ටික්ස්" (chopsticks) ලෙස හැඳින්වේ.

මීට පෙර සිකුරාදා දියත් කිරීමෙන් මිනිත්තු කිහිපයකට පසුව රොකට්ටුවේ බූස්ටරය (booster) අල්ලාගැනීමේ පළමු උත්සාහය අත්හැර දැමිණි. අනතුරුව බූස්ටරය මුහුද දෙසට යොමු කෙරුණු අතර එය ජල මට්ටමට මඳක් ඉහළින් ගිනිගෙන පුපුරා ගියේය.

සෙනසුරාදා ප්‍රාදේශීය වේලාවෙන් පස්වරු 3:20 ට පමණ, "ෂිප්" (Ship) නමින් හැඳින්වෙන රොකට්ටුවේ ඉහළ කොටස සැලසුම් කළ වේලාවට වඩා මිනිත්තු කිහිපයක් ප්‍රමාද වී පෘථිවියට ආපසු පැමිණියේය.

ඒ අනුව යාන්ත්‍රික බාහු යොදා රොකට්ටුවේ ඉහළ අදියර අල්ලාගැනීමේ පළමු උත්සාහය සාර්ථකව අවසන් කෙරිණි.

#SpaceX #Starship